CADA DÍA É ESPECIAL

Antes de comezar coa festa de fin de curso, recordamos o que podemos facer nestas vacacións!. 

VOLVEMOS NO 2024/25!!!

Onte e hoxe estivemos a preguntar ao persoal do centro que era o que facían no seu tempo de lecer, foron moitas e moi diversas as respostas. Con elas fixemos unha presentación na pantalla dixital.

Hoxe rematamos o noso último reto de Polos Creativos, creamos a nosa pedra! Fixemos bolas cos xornais, debuxamos a base da pedra e botamos cola. Pouco a pouco colocamos as bolas de papel. E chegou o momento de pintar a roca e despois a debuxar os nosos petróglifos. Aquí tedes a nosa pedra cos nosos petróglifos.

Hoxe foi o noso último mércores co xornal na aula... pero volveremos o curso que ven! Practicamos a merca do xornal, identificamos as emocións nas fotos do xornal, falamos dos xeados e dos usos dos móbiles, completamos os nosos paneis...

Seguimos a aprender como facer un uso saudable de internet.  Estes días estivemos a falar de para que usamos os dispositivos tecnolóxicos e a rede e que é o que facemos no noso tempo de lecer. 

Na aula 5 estivemos a traballar a reciclaxe a través de diferentes actividades para clasificar os residuos no contedor azul ou no amarelo!.

A aula 5 fomos a encargada de recoller leitugas para o comedor. Que rica estaba!

Na aula 5 estamos a elaborar as normas que debemos seguir como peóns e como viaxeiros/as no coche. Para iso utilizamos diferentes fontes de información como os vídeos de "Luz verde" e materiais elaborados no cole.

Recordade, cando estamos nun semáforo de peóns/peoas! VERDE: CRUZAR VERMELLO: NON CRUZAR

Como cada mércores o xornal entra na aula 5. Antes de comezar a traballar co xornal practicamos as nosas habilidades comunicativas e simulamos a compra dun xornal nun quiosco. Hoxe viña unha foto de todos os concellos de Galicia, así que despois de atopar os nosos concellos saímos da aula e preguntámoslle as persoas que atopabamos de onde eran. 

Estamos a aprender moitas cousas sobre a auga, experimentando con ela!.

No calendario do mes de maio que trouxo o xornal falaban de Van Gogh, e cada un de nós eliximos un cadro. Aquí tedes a nosa personalización do cadro que máis nos gustou!

Hoxe na Biblioteca entre todos eliximos un xogo, a TORRE. Falamos da importancia das normas nos xogos e establecemos as deste xogo. Despois na aula escribímolas na pantalla e xa están na Biblioteca. Os xogos de mesa son unha moi boa opción para ocupar o noso tempo libre.

Na aula 5 estamos a realizar un Obradoiro sobre o "Uso saudable de Internet". Nestas primeiras sesións tivemos que indicar que dispositivos tecnolóxicos tiñamos na casa e que iconas de aplicacións coñecíamos e para que as usabamos. 

Chegou o xornal á aula 5!!! Comentamos as noticias que nos chamaron á atención e as relacionadas coa alimentación, a educación viaria...

Na aula 5 cocemos uns ovos e transformámolos nas nosas mascotas por uns días, cada un tiñamos que coidar o noso ovo para que non sufrira ningún dano.

Xerminamos sementes de melón.  E cando creceron un pouquiño, para a maceta! Agora a esperar a que crezan para transplantalas!

Como todos os mércores... o xornal entra na aula 5. Hoxe comentamos as noticias que nos chamaron a atención, analizamos o calendario do mes de xuño e comparamos a versión impresa da “Voz de Galicia” coa versión dixital.

Rematamos a nosa presentación sobre a auga. Aproveitamos para falar das imaxes que hai en internet e que non todas se poden usar.

O alumnado da aula 5 fixo na Pantalla Dixital un retrato. Quen é quen?

No libro “A araña e máis eu” co que traballamos dentro do PDI “Así son eu” fala de varias froitas, entre elas o mando e a “papaya”. As aulas 5 e 7 xuntámonos para coñecer estas dúas froitas e están boísimas! (xa é a segunda vez que nos xuntamos, fai uns días para coñecer a “papaya” e hoxe tocou o mango). https://ceeabarcia.blogspot.com/2024/05/conecemos-novas-froitas.html

Hoxe veu coordinador de “Mobilidade sostible e segura” para realizar un obradoiro de educación viaria. Primeiro tivemos unha pequena charla para recordar como temos que facer para ser peóns e peoas responsables e despois saímos ao patio onte tiñamos un circuíto para practicar o aprendido. Tamén veu un garda civil de tráfico coa súa moto e puidemos montar nela! https://ceeabarcia.blogspot.com/2024/05/educacion-viaria.html

Cando o semáforo de peóns/peoas está en verde podemos cruzar.

E hoxe tocounos Terapia Canina!

Cando o semáforo está en vermello... NON PASAR! Experimentamos cunha aplicación que nos gustou moito! (ChatterPix Kids)

Coidado que molla!!!. Experimentamos co estado líquido da auga.

Hoxe traballamos coa aula 7 a “Papaya” unha froita que aparece no libro “A araña máis eu” que estamos a traballar dentro do PDI “Así son eu”. Cando rematamos decidimos intentar xerminar as sementes de “papaya”. Canda un de nós tiñamos asignada unha función dentro do proceso de xerminación.

Como nos gusta coñecer as cousas que pasan no mundo!. Hoxe o xornal entrou na aula 5.

Coas follas de papel reciclado creamos os nosos propios petróglifos. Que será o que representamos?

Hoxe plantamos tomates, leitugas, brócoli e coliflor!

Plantamos leitugas e aproveitamos para transplantar parte da “horta de 5”.