CADA DÍA É ESPECIAL

Aquí tedes o mural "O que sobra" do 1º Trimestre, realizado coa pintura que nos sobra das diferentes actividades que realizamos.

Cada día observamos as nosas plantas e coidámolas.

Gústanos moitos as actividades en grupo. Hoxe realizamos un pequeno xogo de ler e buscar as imaxes.

Como cada mércores traballamos co xornal na aula, comentando aquelas noticias que nos chaman a atención ou que están relacionadas co traballo que realizado na aula.

Na aula realizamos dúas actividades de práctica de reciclaxe: Clasificamos imaxes en función do material e pegámolas no contedor amarelo ou azul. Clasificamos o lixo da aula e colocámolo no contedor amarelo ou azul.

Hoxe saímos a tirar plástico ao contedor que hai preto do centro. Un compañeiro da aula utiliza unha cadeira eléctrica. Como non hai rampla para acceder á beirarrúa tivo que ir pola estrada. Tal e como están deseñados os contedores, unha persoa en cadeira de rodas non podería tirar ela soa o material de reciclaxe (pola altura e o mecanismo para abrilos). 

Na entrada da aula temos o noso recuncho de xardinería "A nosa horta". Desde que comezamos o cole xerminamos melón, fabas, garavanzos e lentellas. Queredes ver como están as nosas plantas?

Polo Samaín puxemos en marcha "Os medos da Barcia", actividade que xurdiu despois de traballar co conto "Fiz, o coleccionista de medos". Fixemos dúas preguntas ao persoal do centro: A que lle tes medo? Como reaccionas? As respostas eran anónima e metémolas na nosa caixa dos medos. Cada semana lemos unhas poucas e pegámolas no mural.

Esperemos que algún ano non teñamos que conmemorar un día como o de hoxe... Ese día o mundo será moito máis bonito e feliz. Desde a aula 5 sempre dicimos NON A VIOLENCIA!.

Hoxe celebramos o Día Internacional da Música!. O equipo de Biblioteca e o de Dinamización da Lingua Galega propúxonos montar unha foliada na aula e tamén que escolléramos as 5 cancións galegas que más nos gustan.

Hoxe cando iamos ao contedor de papel atopámonos cunha barreira que non nos gustou nada, enfádanos que xunto ao cole o paso de peóns e peoas non teña baixada! Unha vez superada a barreira, practicamos como debemos cruzar a estrada nun paso de peóns e peoas sen semáforo. 

Hoxe saímos a tirar o papel ao contedor que hai preto do centro.

A nosa aula participa este curso, dentro de Prensa-Escuela" en "XORNALISTAS NATURAIS". Un proxecto onde teremos que ir observando os cambios que acontecen ana nosa contorna, rexistralos e sacar as nosas conclusións.

Cos restos de pintura estamos a crear unha obra de arte chamada "O que sobra".

A nosa aula foi a encargada de facer castañas cocidas no apartamento. O mércores deixamos preparadas as castañas e o venres a primeira hora cocémolas no apartamento.  E hoxe celebramos o MAGOSTO! https://ceeabarcia.blogspot.com/2024/11/celebramos-o-magosto.html

O 10 de outubro foi o Día Mundial da visión. Ese día comezamos a traballar os sentidos dentro de "Coidamos o noso corpo". A través de diferentes actividades práctica iremos coñecendo o sentido da vista e tamén como debemos coidar os ollos. 

Na Biblioteca do centro hai xogos de mesa para pasar un bo rato cos compañeiros/as, pero é moi importante establecer unhas normas e saber como se xoga. Na aula 5 empezamos a facer pequenos carteis coas normas de cada xogo. O primeiro "O lince".

Que ben o pasamos na celebración do Samaín. Deixámosvos o enlace ao blog do cole para que podades ver todo o que fixemos! https://ceeabarcia.blogspot.com/2024/10/samain-2024.html

Hoxe baleiramos e decoramos a nosa cabaza! E mañá celebramos o SAMAÍN!

O Equipo de Biblioteca deixounos unha caixa con contos relacionados co Samaín e coa emoción do medo!. Ademais agasallounos ás aulas co conto "Unha bruxa divertida". Entre as diversas actividades que nos propuxeron está a de decorar o "vagón da aula 5" e pintar e colocar as bruxas/Meigas. 

Na aula 5 gústanos moito a pasta!. No apartamento, xunto coa aula 7, cociñamos e probamos diferentes tipos de pasta. https://ceeabarcia.blogspot.com/2024/10/dia-mundial-da-pasta.html

E hoxe na aula 5... PRENSA ESCOLA!.

Aínda non comezamos "Prensa Escola", pero na aula 5 gústanos coñecer as noticias que acontecen.

"Coidamos o noso corpo" é o título que lle puxemos a un pequeno proxecto que realizaremos ao longo de todo o curso. A través de diferentes actividades aprenderemos a coidar ao noso corpo.

Hoxe é o "Día Mundial de Protección da Natureza"!. Na aula estivemos a traballar cun recurso elaborado o curso pasado sobre a importancia de coidar os Bosques. E moi importante, que podemos facer nós para axudar aos bosques!

Hoxe fixemos un rico e diferente pan no apartamento, xunto co alumnado da aula 7. Se queredes vernos, facede clic no enlace ao blog do cole! https://ceeabarcia.blogspot.com/2024/10/dia-mundial-do-pan.html

Como nos gutan os mércores!. O xornal entra na nosa aula...

Hoxe é "Día Mundial do lavado de mans"!. Unha pequena acción tan importante para a nosa saúde. 

Hoxe é o "Día mundial do ovo" así que fomos ao apartamento, xunto coa aula 7, e fixemos ovos cocidos, fritos e tortilla de ovo. Aquí tedes o enlace do blog do noso cole! https://ceeabarcia.blogspot.com/2024/10/dia-mundial-do-ovo.html

Hoxe é o "Día Mundial do Correo". Na aula5 escribimos un correo electrónico aos centros educativos do alumnado en escolarización combinada.

Que nos contará hoxe o xornal?

Hoxe é o "Día do sorriso". Na aula estivemos a falar das cousas que nos fan rir e realizamos un pequeno mural na mesa. Como nos gusta ver un sorriso na cara da xente!.

Hoxe ao chegar á aula tiñamos unha sorpresa! Comezamos o PDI "Galicia Máxica", coordinado pola Biblioteca do centro en colaboración co Equipo de Dinamización da Lingua Galega. A través de diferentes actividades e retos coñeceremos moitas cousas desta marabillosa terra na que vivimos.

Apartamento listo!. Eestivemos a preparar o apartamento (revisando datas de caducidade e limpando).

Este curso usamos o calendario de Google para apuntar os días que son importantes relacionados co noso traballo na aula.