CADA DÍA É ESPECIAL

Na aula 5 usamos cada día a nosa PDI para buscar información e para realizar tarefas. Sobre todo estamos a traballar con dúas aplicacións: Antón . A tola aventura do aforro . (Eduemprende)

Hoxe xuntámonos a aula 5 e a aula 3 para ensinarlle a Photon os semáforos!

Hoxe foi o "Día do teatro" e no cole fixemos a representación do conto "A máscara do león". Sempre que organizamos unha actividade a nivel de centro hai un traballo previo en cada aula. Fai uns días tiñamos unha sorpresa ao entrar na clase! Entradas para a obra de teatro e uns debuxos para pintar sobre o conto!. Ademais destas actividades, estivemos investigando sobre os animais salvaxes e convidámolos a vir a nosa aula!. No blog do cole " O RECUNCHO DOS SONOS " podedes ver a entrada sobre o "Día do Teatro". 

Hoxe probamos 3 aplicacións na PDI e gustáronnos moito!, con elas traballamos a educación viaria, a orientación espacial, a causa efecto...

Este curso usamos o calendario de Google para apuntar os días que son importantes relacionados co noso traballo na aula.

Antes de comezar coa festa de fin de curso, recordamos o que podemos facer nestas vacacións!. 

Onte e hoxe estivemos a preguntar ao persoal do centro que era o que facían no seu tempo de lecer, foron moitas e moi diversas as respostas. Con elas fixemos unha presentación na pantalla dixital.

Seguimos a aprender como facer un uso saudable de internet.  Estes días estivemos a falar de para que usamos os dispositivos tecnolóxicos e a rede e que é o que facemos no noso tempo de lecer. 

Na aula 5 estamos a realizar un Obradoiro sobre o "Uso saudable de Internet". Nestas primeiras sesións tivemos que indicar que dispositivos tecnolóxicos tiñamos na casa e que iconas de aplicacións coñecíamos e para que as usabamos. 

Rematamos a nosa presentación sobre a auga. Aproveitamos para falar das imaxes que hai en internet e que non todas se poden usar.

Nos paneis dixitais interactivos estivemos a practicar como ser persoas responsables coa Natureza! Estas son as actividades que realizamos! https://ecokids.net/es/recuperemos-el-bosque/ https://wordwall.net/es/resource/3344086/que-hay-en-el-bosque-y-en-la-ciudad https://www.liveworksheets.com/es/w/gl/conecemento-do-medio/7682484 https://play.google.com/store/apps/details?id=com.YovoGames.Defender

A auga é imprescindible para as persoas e para todo ser vivo. Buscamos en internet información sobre a auga e comezamos a realizar unha presentación no encerado dixital interactivo.

Hoxe rematamos o noso traballo sobre o arco da vella! O mércores a canción que eliximos relacionada coa chuvia foi " algunha vez viches a chuvia " e polo xornal soubemos que era o Día Mundial do arco da vella (3 de abril).  E que relación terá a canción co arco da vella?.... na canción din "Quero saber se algunha vez viches a chuvia caer nun día soleado"... E claro que SI, se chove e fai sol sae o arco da vella! Así que buscamos información sobre cando sae, cantas cores ten e que forma ten. Comezamos debuxando un arco da vella conxunto. Descubrimos que realmente é redondo. Fixemos un experimento para crear un! E hoxe rematamos o mural coas nosas aprendizaxes e puxémolo no corredor.

Esta semana coñecemos máis praias da nosa costa!

Seguimos coñecendo un pouco máis as nosas costas a través da Milla Diaria. Esta semana paseamos polas praias de Corrubedo e Baldaio.

Na milla diaria comezamos pola praia de Carnota, unha das máis longas de toda Galicia. Na aula 5 buscamos información desta praia en Internet e comezamos a completar o mapa da Milla Diaria.

Seguimos a coñecer máis cousas sobre o Outono. Coa axuda de internet fixemos un listado de froitas do Outono.

A semana que ven é o Día das Letras Galegas. Na aula estivemos a traballar o galego a través da música.  Toca coller a tablet e gozar coa nosa música! Collede o voso móbil ou tablet, abride un lector de códigos QR, apuntade ao código e a bailar e a cantar con nós!

Dentro de "Nós tamén creamos" imos a usar unha aplicación chamada " Stop Motion ". Fixemos 2 proxectos: PROXECTO 1 : Boliña de plastilina E aquí está no noso vídeo! PROXECTO 2: Carreira de animais E aquí tedes o vídeo! Como isto de crear cousas nos gustou moito, experimentamos coa aplicación " Stickman: dibujar animación ". Mirade que cara!!!

Na aula 5 gústanos moito traballar coa Pantalla Dixital Interactiva.