CADA DÍA É ESPECIAL

Hai un conto que nos gusta moito da Biblioteca, " Peón ". Estivemos falando de como temos que ir camiñando pola beirarrúa e de como tiñamos que cruzar polo paso de peóns. Despois saímos ao paso de peóns que hai cerca do cole e a practicar como cruzar.

Hoxe foi un día moi divertido!. A través de diferentes actividades experimentamos coas propiedades da auga e da luz, recordando que ambas son fundamentais para a vida das persoas. 

A patrulla EcoBarcia saíu a reciclar aos contedores de papel e plástico que hai preto do cole. Como en cada saída que realizamos, poñemos en práctica como ser peóns responsables (camiñar pola beirarrúa, cruzar polo paso de peóns...).

"Lío na cabeza" é o nome do noso cartel para o concurso de carteis de reciclaxe. E así o fixemos!

A aula 5 aposta pola mobilidade sostible!

Saímos a reciclar aos contedores que hai cerca do cole!. Desde que fixeron accesibles as beirarrúas xa podemos ir todos xuntos!. E como en cada saída que realizamos, poñemos en práctica o traballado na aula para ser peóns e peoas responsables.

Saímos a reciclar papel e plástico coa aula 7!. Estamos moi contentos xa que eliminaron as barreiras arquitectónicas das beirarrúas. E por suposto, fomos peóns e peoas responsables! Enlace ao blog do centro:  https://ceeabarcia.blogspot.com/2026/02/saimos-reciclar.html

A patrulla "EcoBarcia" está a aprender como axudar ao planeta usando a regra das 3 R: R ecicla. R educe. R eutiliza. Tamén xogamos na PDI! https://wordwall.net/es/resource/106735456 https://es.educaplay.com/recursos-educativos/27616678-sabemos_reciclar.html

Esta semana a "Patrulla EcoBarcia" realizou dúas saídas aos contedores de papel e plástico que hai na contorna do centro. Seguimos pedindo que nos coloquen un contedor de papel e plástico diante do cole... pero polo momento a desprazarnos. Todo sigue igual, a pesar de solicitar o curso pasado a eliminación das barreiras arquitectónicas que atopamos nas nosas saídas... nada, aí estaban, no mesmo sitio!

Recordade, cando estamos nun semáforo de peóns/peoas! VERDE: CRUZAR VERMELLO: NON CRUZAR

Cando o semáforo de peóns/peoas está en verde podemos cruzar.

Esta semana coñecemos máis praias da nosa costa!

Antes de ir ao recreo paramos no apartamento, alí está "MercaBarcia", un pequeno supermercado onde facemos a compra diaria necesaria para elaborar o xantar. E tamén comezamos a coñecer os euros (€).

A través da Milla Diaria ademais de realizar un pouquiño de exercicio físico diario, aprendemos moitas cousas sobre a nosa costa e tamén a traballar cos recursos tecnolóxicos da Biblioteca. 

Seguimos coñecendo un pouco máis as nosas costas a través da Milla Diaria. Esta semana paseamos polas praias de Corrubedo e Baldaio.

Na milla diaria comezamos pola praia de Carnota, unha das máis longas de toda Galicia. Na aula 5 buscamos información desta praia en Internet e comezamos a completar o mapa da Milla Diaria.

A aula 5 participou na elaboración do mural deste curso de "Unha Milla Diaria", que este curso o relacionamos coas praias, paseos e sendeiros marítimos.

Tras uns días de moita festa, toca seguir traballando. Hoxe retomamos a creación de vídeos de educación viaria utilizando o "Stop motion". Sabedes cruzar a estrada como peóns e peoas responsables? Así fixemos os vídeos!

Aquí tedes a edición de maio de "La Voz de la Barcia". E aquí o gran equipo que elaborou este xornal!

Seguimos a traballar o semáforo de vehículos a través de diferentes actividades: MURAL DE MANS: PODES OU NON PODES PASAR? PINTADO NO PATIO COLOCÁMONOS NOS CÍRCULOS EN FUNCIÓN DA INDICACIÓN. AGORA QUE NINGUÉN NOS VE... PINTAMOS AS VENTÁS.