CADA DÍA É ESPECIAL

Gústavos a nosa ventá máxica?

Continuamos coñecendo o sentido da vista, coas cores e as posicións. Utilizamos a "Paca" o robot de Polos Creativos e a "Paco" o noso robot de aula. 

Temos un novo compañeiro de clase, Carlitos!!!. 

Seguimos traballando co noso corpo a través do proxecto “Así son eu”. Xogamos a recoñecer a nosa boca e a dos compañeiros (algo máis complicado nestes tempos de máscara) e as súas partes. Buscamos os nosos dobres de cartón e colocámoslle a boca para ir formando a nosa cara.

Para que usamos a boca? Que partes ten? Con cal delas podemos saborear a comida? Temos poucos ou moitos dentes? Como debemos lavalos? Sabemos contar dentes? Estas son algunhas das cuestións que estamos a traballar na aula 5 a través do proxecto “ Así son eu ” . Nestes días, a parte do noso corpo protagonista é a boca .  Mirade, mirade...

Seguimos coñecéndonos mellor a nós mesmo coa actividade "Este/Esta son eu".

A aula 5 ten 2 novos alumnos/as. Queredes coñecelos/las? Estes monecos foron creados no 1º trimestre e vannos axudar a coñecernos un pouquiño máis a cada un/unha de nós. 

Hoxe recordamos as principais características do Outono co noso panel e centrámonos na roupa do Outono.  Collemos tódolos pictos da roupa e démoslle a volta. A continuación de un en un tiñamos que coller un dos pictos e relacionalo cunha parte do corpo (por exemplo: o gorro coa cabeza, as chaquetas co tronco...)

O xoves foi un día de "roupa". Clasificamos diferentes prendas de roupa e complementos en función das partes do corpo. 

Esta semana empezamos a traballar o noso corpo. Fixemos a silueta do noso corpo e rotulámola. Empezamos a traballar os ollos!. Pegamos os nosos ollos na nosa silueta.  Cos ollos de cada un/unha fixemos unha careta e xogamos a probarnos os ollos dos demais.