CADA DÍA É ESPECIAL

Esta semana rematamos o noso "LIMPO DENTE". Ese dente que esta limpo e saudable!

Esta semana continuamos coas gravacións de "Non fai falta a voz". Hoxe ao rematar visitamos á aula multisensorial e puxemos os nosos sentidos a flor de pel.

Como esta semana fixo tan bo tempo camiñamos pola contorna do centro!

Esta semana estivemos a gravar o conto "Non fai falta a voz", aínda nos queda un pouquiño e xa nos tarda poder compartilo con todos e todas.

Hoxe tivemos terapia canina!

Un mércores máis os xornais chegan a nosa aula. Falamos da Primavera, dos percebes e mexillóns, da educación vial...

Hoxe visitounos Noelia, a mestra en prácticas que tivemos este curso. Que contentos nos puxemos de vela! E como non podía ser doutra forma... acompañounos na nosa milla diaria!

Trasladamos a "A horta de 5" ao corredor, as nosas plantas precisan a luz do sol.

Os redactores da aula 5 estiveron a traballar moito! Aquí tedes unha nova edición de "La Voz de la Barcia"

Hoxe fomos ao invernadoiro a recoller fresas. E sabedes quen estaba alí?. O noso amiguiño Pipo! Despois fomos ao apartamento para facer un batido.  Antes de nada.... lavar as mans! Cortamos o "rabecho", lavamos as fresas e para o batedor xunto co leite. E o mellor de todo!

Como cada mércores... xornal na aula! Os nosos paneis medran cada semana! Había unha noticia relacionada cun rescate nunha praia, aproveitamos para recordar como temos que actuar nos sitios con auga.

Sempre que podemos saímos a facer a milla diaria pola contorna do cole. Ademais de facer exercicio físico aproveitamos para traballar as normas básicas como peóns e peoas.