CADA DÍA É ESPECIAL

A patrulla EcoBarcia saíu a reciclar aos contedores de papel e plástico que hai preto do cole. Como en cada saída que realizamos, poñemos en práctica como ser peóns responsables (camiñar pola beirarrúa, cruzar polo paso de peóns...).

Hoxe tocou limpar o invernadoiro e despois tirar as herbas malas ao composteiro. Temos malas noticias, das nosas plantas que xerminamos, só o castaño segue crecendo...

Tras un curso observando os cambios que se producen na Natureza, rematamos o noso caderno de campo!

Chegou o momento de planificar o traballo final. Para iso expoñemos o que vemos nos carteis e como cambian as nosas árbores co paso das estacións, sacando conclusións.

Despois do Obradoiro recollemos as malas herbas e tirámolas no composteiro. Recollemos amorodos, lavámolos e compartímolos!

Hoxe no invernadoiro realizamos un pequeno obradoiro de coidado de plantas con ASPAS!

Coñecemos as plantas aromáticas!. Para a semana que ven, realizaremos un pequeno obradoiro con elas.

Clasificamos as nosas árbores: folla caduca ou folla perenne.

Comezamos a elaborar o noso traballo final. Para iso colocamos en cada foto a estación na que estabamos cando tomamos a foto.

Hoxe traballamos no invernadoiro!. Prontiño plantaremos, polo que temos que ter todo listo. Ademais transplantamos unha mentas, recollemos amorodos e tiramos as malas herbas no composteiro. Ao volver á aula preguntámonos... que pasaría se plantamos un amorodo e un plátano... e así o fixemos. Agora temos a dúbida, nacerán?

As árbores do patio xa están cheas de follas!. Como se nota que estamos na Primavera!

Levamos as nosas plantas ao invernadoiro, xa que hai un sistema de rego automático e así terán auga tódolos días durante a Semana Santa. A esperar a volta das vacacións para ver como están!

Continuamos co rexistro dos cambios na Natureza co paso das estacións... estamos en Primavera!

Cada día revisamos as nosas plantas e regámolas!. 

Seguimos observando os cambios na natureza co paso das estacións!

Cada semana coidamos das nosas plantas. Como seres vivos que son, necesitan a luz do sol e a auga para vivir.

Xa sabemos algo máis dos froitos das árbores do patio!

Aproveitamos que hoxe non choveu para empezar a limpar o invernadoiro. Que faltiña tiña!... e o que nos queda!.

Continuamos a rexistrar os cambios na natureza co paso dos días e das estacións!

Naceunos unha planta coa que non contabamos... na terra das macetas que non xerminaron apareceu unha planta!!!.