CADA DÍA É ESPECIAL

"Monstruo Rosa" é un dos contos que estamos a traballar dentro do "Club de Letras". Na aula 5 empezamos a debuxar este conto!

Cada mañá unha das primeiras actividades que facemos é regar as nosas plantiñas!

Cada día realizamos a "Milla Diaria" e que alegría cando o podemos facer polo patio!

 Cada mércores traballamos cos xornais, comentando as noticias que nos parecen máis interesantes.

O 3º nivel do cole (aulas 3,5 e 7) plantamos no invernadoiro leitugas, acelgas, cebolas e pementos. Establecemos quendas para ir a regar, xa que necesitan moita auga para crecer!.

 Super5 segue a darnos consellos para evitar os contaxios por Covid-19.

Como seres vivos que son, as nosas plantas precisan auga para vivir, así que cada día regámolas. e sabedes que?, pensabamos que as pepitas de mazás que plantamos non ían nacer, pero unha sí que empezou a medrar...

A cousa vai mellorando, pero MOITO SENTIDIÑO!

O 21 de marzo foi o Día Mundial da Poesía . O Equipo de Biblioteca propúxonos traballar a poesía na aula. A nós tocounos unha poesía moi bonita que leva por título "A Música".

 Hoxe estivemos regando no invernadoiro as plantas do 3º nivel (acelgas, leitugas, cebolas e pementos).

 Mirade como creceron! E chegou o momento de transplantalas.

Seguimos a traballar coas froitas!. Trouxemos á aula fresas e peras e experimentamos con elas!. Tamén intentamos sacar as sementes... das fresas conseguimos coller unhas pouquiñas, pero nas peras non viña nin a primeira!

Tódolos espazos da aula son funcionais para traballar!!!

Queremos presentaros ao lagarto Roi, quen nos axudará cada mércores a coñecer un pouquiño do Camiño de Santiago. O 2021 e 2022 é Ano Santo!

Que rico que está, encántanos o leite!

Somos uns artistas..., e sempre nos sobra pintura, así que como outros anos estamos a crear o mural "Do que sobra".

Encántanos xogar cos números! (serie numérica, cantidades, problemas sinxelos e conceptos espaciais)

Coñecedes algunha aldea onde non se cultiven os prados?. Na nosa Aldea Barciana non temos prados, pero si un invernadoiro. A nosa aula tocoulle plantar acelgas. E despois de plantar, tocou regar... Así quedou o noso anaquiño de invernadoiro.

Esta semana xerminamos lentellas e fabas (unha actividade do Equipo de Biblioteca): 1- Preparamos o algodón e metémolo nun recipiente. 2- Cun pulverizador mollamos o algodón e colocamos as lentellas e fabas. 3- Toca esperar.... E o venres deixámolas así....

Coa axuda de Super5 seguimos contando as medidas de seguridade contra o COVID-19.

Esta semana foi "A SEMANA DA PRENSA". Como xa sabedes,a aula 5 participa no "Programa de Prensa-Escola" do xornal "La Voz de Galicia" polo que tódalas semanas traballamos co xornal na aula. Como esta foi unha semana especial pensamos en crear a noticia que toda a xente está a esperar nos xornais de todo o mundo, unha noticia desexada pero que non sabemos cando se publicará.  Esta é a nosa noticia, a mellor noticia do mundo (e que non tarde en chegar!!!)

Esta semana rematamos coas galiñas!. Aquí tedes o noso traballo final. PANEL DE CONTIDOS. ACTIVIDADE LIM. https://www.chiscos.net/xestor/chs/ticceeabarcia/connecemos_as_galinnas/connecemos_as_galinnas.html PRESENTACIÓN DE CONTIDOS: As galinas pdi aldea. aula 5 cee a barcia de ticceeabarcia SENTIMOS OS OVOS:   https://cadadiaeespecial.blogspot.com/2021/02/os-ovos.html

O Club de Letras do noso cole animounos a crear frases pola igualdade entre os homes e as mulleres, coincidindo co 8M. Aquí vos deixamos a que fixemos na aula 5.

Na aula 5 coñecemos moi ben o que temos que facer para evitar contaxios por Covid-19. Coa axuda de Super5 é hora de que volo contemos a todos e todas!

Esta semana traballamos os números seguindo o Kamishibai que elaboramos conxuntamente  todo o cole!

Ademais de usar o Kamishibai tamén xogamos cos ovos para contar e resolver problemas sinxelos.

Por fin puidemos baixar un pouquiño ao patio (e non só a camiñar!). 

 Cos animais da nosa aldea realizamos varios xogos, entre eles: "ONDE ESTÁN...?".