CADA DÍA É ESPECIAL

Hoxe tocou limpar o invernadoiro e despois tirar as herbas malas ao composteiro. Temos malas noticias, das nosas plantas que xerminamos, só o castaño segue crecendo...

Despois do Obradoiro recollemos as malas herbas e tirámolas no composteiro. Recollemos amorodos, lavámolos e compartímolos!

Hoxe no invernadoiro realizamos un pequeno obradoiro de coidado de plantas con ASPAS!

Hoxe traballamos no invernadoiro!. Prontiño plantaremos, polo que temos que ter todo listo. Ademais transplantamos unha mentas, recollemos amorodos e tiramos as malas herbas no composteiro. Ao volver á aula preguntámonos... que pasaría se plantamos un amorodo e un plátano... e así o fixemos. Agora temos a dúbida, nacerán?

Xa temos amorodos no invernadoiro!. Recollémolos e limpamos as malas herbas.

Hoxe traballamos coa aula 7 a “Papaya” unha froita que aparece no libro “A araña máis eu” que estamos a traballar dentro do PDI “Así son eu”. Cando rematamos decidimos intentar xerminar as sementes de “papaya”. Canda un de nós tiñamos asignada unha función dentro do proceso de xerminación.

Plantamos leitugas e aproveitamos para transplantar parte da “horta de 5”.

En febreiro intentamos xerminar unhas pebidas de mandarinas e peras, que pillamos da froita do comedor. Non tiñamos moitas esperanzas de que xerminaran, pero co tempo conseguímolo. Así que chegou o momento de transplantalas. Aproveitamos para transplantar o pementos.  E así deixamos a "Horta de 5" o venres!

No comedor do noso cole comemos moita froita. peras, plátanos, mazás... A nosa mestra subiu unhas pebidas de mazás para ver se eramos capaces de xerminalas... xa somos uns expertos!!! E a deixalas tapadas e ás escuras por uns días...  Xerminou unha!. Pasámola a unha maceta. E hoxe abrimos o tapper e había outra!!!

Hoxe tocou comezar a preparar o invernadoiro para poder plantar! Atopamos dous animaliños!

Durante este trimestre estivemos a xerminar diversas sementes, e moitas delas creceron.  Así as deixamos o último día de cole do 2023!

As sementes que xerminamos xa medraron un pouquiño. Temos pementos, cabazas e un castaño nas macetas!. Tódolos días observamos o seu crecemento e botámoslle auga.

Tódalas semanas limpamos o invernadoiro de malas herbas. 

As nosas cabazas están listas para ir parar a maceta! Aproveitamos e intentamos xerminar as pebidas que lle sacamos onte aos kiwis. 

Xa acenderon a calefacción do cole, as nosas plantas corren perigo.  Tivemos que transplantar as nosas plantas xa que a calefacción non lle senta moi ben... agora témolas en macetas na entrada da aula. 

Así están as nosas sementes! A través delas aprendemos como dunha semente nace unha planta e os coidados que necesitan para crecer.

Hoxe plantamos leitugas no invernadoiro. Aproveitamos para recoller algún tomate e comparalo cos que non se podían coller.

Hoxe estivemos a limpar o invernadoiro... para a semana seguramente empecemos a plantar! E non estabamos sós...

Hoxe tocounos experimentar a xerminación usando bolsas zip. E agora toca esperar...

As nosas sementes de pemento xerminaron moi ben e chegou o día de plantalas nunha maceta e esperar a ver se crecen!