CADA DÍA É ESPECIAL

A través da Milla Diaria ademais de realizar un pouquiño de exercicio físico diario, aprendemos moitas cousas sobre a nosa costa e tamén a traballar cos recursos tecnolóxicos da Biblioteca. 

Durante este trimestre estivemos a xerminar diversas sementes, e moitas delas creceron.  Así as deixamos o último día de cole do 2023!

A aula 5 quere desexarvos unhas Felices Festas e un moi bo 2014!

 Adiviñade quen visitou hoxe a aula 5...

O 3º nivel estivemos a adornar as fiestras do noso corredor!. A volta toca limpalas...

Hoxe volveron os nosos amiguiños peludos!!!

Como cada mércores o xornal ven á aula 5. Comentamos as diferentes noticias que nos chamaron á atención e sobre todo aquelas que están relacionadas coa vida saudable, a educación viaria e a natureza. Nunha das noticias falaban dunha aplicación " Al menos tres " que busca fomentar o consumo de peixe. Descargámola e estivemos vendo diferentes receitas con peixe.

As sementes que xerminamos xa medraron un pouquiño. Temos pementos, cabazas e un castaño nas macetas!. Tódolos días observamos o seu crecemento e botámoslle auga.

Seguimos a aprender con e do Outono!

Hoxe a Milla Diaria foi especial, xuntos camiñamos polo respecto. Un camiño que hai que facer tódolos días para crear un mundo en igualdade.

Seguimos aprendendo moitas praias galegas!. Nesta semana coñecemos as praias de Baldaio, A Frouxeira e Marouzos. Buscamos información en internet, a súa ubicación do Google Maps, buscamos unha foto e imprimímola. Ampliamos o noso mapa e na parede do corredor debuxamos a nosa ruta. 

Tódalas semanas limpamos o invernadoiro de malas herbas. 

Hoxe cociñamos ovos cocidos! (onte fomos a cociña a preguntarlle a Jéssica (a cociñeira) como os tiñamos que facer). No apartamento puxemos o vídeo para recordar a receita. Collemos os ovos e falamos das súas características (con moito coidado, que son moi fráxiles) Collemos auga fría e metemos os ovos dentro. E poñémolos ao lume durante 10 minutos desde que empezan a ferver (aproveitamos para falar da medida do tempo).  Mentres esperamos fixemos a compra para o menú de hoxe no comedor. Pasados os 10 minutos sacámolos do lume e botámolos no vertedoiro (puxemos as manoplas... que a pota queima!). Cando arrefriaron un pouquiño puxemos a proba a súa dureza. Sacámoslle a casca... E a comelos! E antes de marchar... a fregar.

As nosas cabazas están listas para ir parar a maceta! Aproveitamos e intentamos xerminar as pebidas que lle sacamos onte aos kiwis. 

E os mércores toca "PRENSA - ESCOLA". Hoxe tiñamos a noticia no cole, xa que unha mestra tivo problemas para chegar ao cole porque o tren no que ela viaxa tivo retraso, así que fixémoslle unha pequena entrevista.

Seguimos coñecendo un pouquiño máis as froitas do Outono. Nesta ocasión experimentamos co kiwi.

No apartamento do cole temos un pequeno mercado, aí que fomos mercar os ingredientes para o menú de hoxe!.

Parou de chover, pero cantas follas hai no patio... a recollelas!!!

Seguimos coñecendo un pouco máis as nosas costas a través da Milla Diaria. Esta semana paseamos polas praias de Corrubedo e Baldaio.

Sabedes en que consiste a pesca do cerco?. Na aula 5 estivemos a traballalo dentro do programa "O cerco, un xeito de vida".

O martes fomos xunto a cociñeira do cole a que nos dera a receita de patacas cocidas, gravámola en vídeo e despois na aula escribimos a receita. Hoxe fomos ao apartamento a cociñalas!

Un mércores máis traballamos cos xornais na aula! Tras buscar o que máis nos chamaba a atención, de realizar unha lectura compartida xeral do xornal e de recortar... aumentamos os nosos paneis de información. 

Hoxe traballamos co xornal!

Na milla diaria comezamos pola praia de Carnota, unha das máis longas de toda Galicia. Na aula 5 buscamos información desta praia en Internet e comezamos a completar o mapa da Milla Diaria.

Seguimos a coñecer máis cousas sobre o Outono. Coa axuda de internet fixemos un listado de froitas do Outono.