CADA DÍA É ESPECIAL

Rematamos o noso cartel das Letras Galegas. Primeiro fixemos os debuxos, con un pouquiño de axuda... Depois pintamos os debuxos. Escribimos a nosa frase. Xogamos coas letras do abecedario galego. Queredes ver como nos quedou? Cando rematamos estivemos a coñecer un pouco a vida de Luisa Villalta.

Cos xornais xa usados de prensa escola fixemos un obradoiro de reciclaxe: 1- Cortar en anacos pequenos unhas follas de xornal. 2- Botamos auga quente e deixámolo repousar un pouquiño. 3- Trituramos todo co batedor eléctrico. 4- Collemos o molde de madeira e reixa, sumerxémola ata o fondo, escorremos a auga e botámolo nunha saba. E cada pouco removemos cunha culler. E a secar!

E chegou o día de pasear o Maio, de tocar música e bailar!

E como cada mércores o xornal chega á aula 5!. O primeiro que facemos é pagar o noso xornal. Despois sinalamos as noticias ou imaxes que máis nos chamen a atención e aquelas que están relacionados cos nosos paneis. Hoxe centrámonos nos peixes de auga doce (vai ser a Festa da troita). Utilizando os novos paneis dixitais elaboramos unha pequena presentación cos peixes de auga doce. 

Hoxe recibimos no cole a visita do Conselleiro de Cultura, Educación, Formación Profesional e Universidades don Román Rodríguez González e da Subdirectora Xeral de Ordenación, Inclusión e Innovación Educativa dona Inmaculada Fernández Teijeiro. Na súa visita pasaron pola nosa aula e falamos un anaquiño con eles.

A aula 3 invitounos a participar nun Obradoiro Sensorial relacionado coa Natureza e coa Primavera. Pasámolo xenial! https://ceeabarcia.blogspot.com/2024/05/obradoiro-sensorial-natureza-primavera.html

Co bo tempo a marea amarela volve colocarse os chalecos amarelos!. Volvemos a facer a milla diaria pola contorna do centro. Esta primeira saída tivo varias finalidades: Facer a Milla Diaria. Coñecer a contorna natural onde está o centro. Poñer en práctica os contidos de educación viaria traballados na aula. Recoller flores, xestas, fiúnchos... para a construción do Maio. https://ceeabarcia.blogspot.com/2024/05/recollendo-flores-xestas-fiunchos.html

No xornal do día 26 viña o calendario de maio, así que colocamos o noso calendario e eliximos aqueles días que nos parecían máis interesantes. Sabiades que un 7 de maio estreouse a novena sinfonía de Beethoven? E aquí vos deixamos os nosos cadros favoritos de Van Gogh!

Nos paneis dixitais interactivos estivemos a practicar como ser persoas responsables coa Natureza! Estas son as actividades que realizamos! https://ecokids.net/es/recuperemos-el-bosque/ https://wordwall.net/es/resource/3344086/que-hay-en-el-bosque-y-en-la-ciudad https://www.liveworksheets.com/es/w/gl/conecemento-do-medio/7682484 https://play.google.com/store/apps/details?id=com.YovoGames.Defender

A auga é imprescindible para as persoas e para todo ser vivo. Buscamos en internet información sobre a auga e comezamos a realizar unha presentación no encerado dixital interactivo.

Estivemos a traballar cos euros e as froitas!. Chegaran os cartos?, Cantos euros necesito?, se quero mercar unha sandía de 2 kg canto me costa?

Hoxe estivemos con Wailo!

Hoxe comezamos a ler o conto que nos regalaron as aulas 11 e 12 "Rúa das emocións Nº7". Lemos dúas follas, pero deunos para moito! Falamos das cidades e o que podemos atopar nelas. Traballamos co recursos "Todos somos diferentes" Todos somos diferentes from ticceeabarcia

É mércores e toca traballar co xornal na aula! Como o día 1 de maio é mércores e non hai cole, hoxe veu o calendario de maio!

Hoxe entregamos a noso libro e a rosa á aula 9. E as aulas 11 e 12 entregáronos unha rosa e un libro. Ademais fixemos un mural entre todos coas nosas mans e tivemos un teatro de sombras e cores. Queredes saber cal é o libro que nos regalaron? Conto rua das emocions n7 de ticceeabarcia

Este ano para celebrar o Día do Libro tiñamos que regalar un libro e unha rosa a outra aula do centro, a nós tocounos a aula 9! E o conto que eliximos foi Nadarín! (feito no cole dentro do Programa Educación Responsable, o cal non puidemos presentar na Cidade da Cultura porque chegou o Covid). Esperamos que vos guste, AULA 9!

Hoxe é o Día do Libro. Pero por que se celebra este día e por que se regala unha rosa?... Na aula 5 fixemos unha pequena investigación para responder a estas preguntas e trazamos un plan de equipo, onde cada un de nós tiñamos unha tarefa asignada.

Como produto final da arte, elaboramos 2 murais onde representamos o que estivemos a traballar. E así os fixemos!

Para conmemorar o Día das Artes Galegas (1 de abril), o Equipo de Dinamización da Lingua Galega propúxonos crear dúas esculturas con arxila (xa que este ano homenaxéase a Francisco Asorey, un gran escultor). Aquí tedes as nosas dúas esculturas! Queredes ver como as creamos?

Temos un novo compañeiro de clase, Carlitos!!!. 

Curioso título para un conto que nos axudou a coñecer un pouquiño máis o noso corpo. Dentro do PDI "Así son eu" estivemos realizando diferentes actividades co conto "A Araña máis eu": pegamos a araña polas diferentes partes do noso corpo, debuxámola nun manequín, creamos as nosas arañas e xogamos coa luz negra.