CADA DÍA É ESPECIAL

Hoxe transplantamos as fabas e os garavanzos que xerminamos. Observamos as súas raíces e o que será o talo. Tamén falamos dos froitos do Outono.

Hoxe celebramos o Magosto no cole con diversos obradoiros, música e degustación de castañas! Se queredes ver como o celebramos con todo o cole... fai CLIC

O intento de xerminar feixoas non saíu ben!, pero seguimos intentando xerminar outros froitos do Outono. No patio do cole temos castiñeiros e carballos, así que intentamos xerminar e plantar landras e castañas (e tamén unha feixoa!). 

Seguimos a aprender con e do Outono!

Seguimos coñecendo un pouquiño máis as froitas do Outono. Nesta ocasión experimentamos co kiwi.

Parou de chover, pero cantas follas hai no patio... a recollelas!!!

Seguimos a coñecer máis cousas sobre o Outono. Coa axuda de internet fixemos un listado de froitas do Outono.

Hoxe celebramos o Magosto!. Mira que nos gustan as festas do Outono. Comemos castañas no patio cuberto (e iso que o xornal de onte dicía que non ía chover...) e despois fixemos obradoiros e xogos. No ximnasio pescamos e buscamos castañas en equipo. No salón de actos lanzamos castañas e experimentamos con diferentes caixas sensoriais. E na sala de xogos pintamos follas e creamos un collage-mural.

Como nos gusta escoitar cancións relacionadas co Outono e co Samaín!. Este curso empezamos a usar os códigos QR para acceder aos vídeos das cancións.

Empezamos a traballar o Outono!!! Pouco a pouco crearemos o noso panel do Outono, a través do cal, ampliaremos os nosos coñecementos desta estación! Comezamos a traballar a letra "O". Fomos ao patio a buscar follas e castiñeiros! Levamos as follas a aula e empezamos un cadro de follas! E traballamos as cores do Outono.

Hoxe 23 de setembro empeza o Outono.... O Magosto, o Samaín... como nos gusta esta estación do ano! Con Rita e Nerea fixemos un mural utilizando cores e follas do Outono (que xa empezan a caer das árbores).

Hoxe remata o Outono e comeza o Inverno. Quixemos compartir todo o que traballamos, así que puxemos o noso mural no corredor. 

Na aula 5 seguimos a traballar o Outono, que está a puntiño de rematar. Esta semana traballamos os sons e as comidas do Outono.

Hoxe recordamos as principais características do Outono co noso panel e centrámonos na roupa do Outono.  Collemos tódolos pictos da roupa e démoslle a volta. A continuación de un en un tiñamos que coller un dos pictos e relacionalo cunha parte do corpo (por exemplo: o gorro coa cabeza, as chaquetas co tronco...)

Coas castañas que apañamos o venres no patio, fixemos un xogo de contar de 1 ata o 10. O xogo consistía en: tiñamos que contar cantas castañas había nunha caixa. Colocabamos as castañas debaixo de cada número seguindo a recta numérica. Cando rematamos tiñamos que indicar cantas castañas tiñamos e atopar o número noutro panel. Para finalizar colliamos o número e colocabamos as castañas ao lado. 

O venres da semana pasada, coa mestra Nerea recollemos follas dos castiñeiros que hai no patio do cole.  E pintamos na aula unha árbore.  Hoxe seguimos a traballar o Outono, concretamente o castiñeiro usando as follas e o debuxo.  Colocamos as follas do castiñeiro (na árbore e no chan) E falamos das características dos castiñeiros (o seu froito é a castaña, son seres vivos, comen e beben pola raíz e respiran polas follas).

 Que credes que é? As estacións do ano podémolas percibir polos sentidos. Hoxe escoitamos o Outono na aula.

O venres recollemos follas do patio do cole para realizar diferentes actividades na aula (que peniña que se vai acabar o bo tempo.... pero a chuvia tamén é moi necesaria)

Seguimos aprendendo moitas cousas desta estación. O xoves traballamos a roupa que poñemos en Outono. Como pouco a pouco imos poñendo a roupa de abrigo e gardamos a roupa do Verán e Primavera.

Hoxe traballamos o Outono, pegamos as nosas follas vermellas, amarelas, verdes e marróns!