CADA DÍA É ESPECIAL

Hoxe foi o noso último mércores co xornal na aula... pero volveremos o curso que ven! Practicamos a merca do xornal, identificamos as emocións nas fotos do xornal, falamos dos xeados e dos usos dos móbiles, completamos os nosos paneis...

A aula 3 invitounos a participar nun Obradoiro Sensorial relacionado coa Natureza e coa Primavera. Pasámolo xenial! https://ceeabarcia.blogspot.com/2024/05/obradoiro-sensorial-natureza-primavera.html

Hoxe comezamos a ler o conto que nos regalaron as aulas 11 e 12 "Rúa das emocións Nº7". Lemos dúas follas, pero deunos para moito! Falamos das cidades e o que podemos atopar nelas. Traballamos co recursos "Todos somos diferentes" Todos somos diferentes from ticceeabarcia

Mirade o noso selfie para o mural do centro!

Seguimos a traballar na nosa creación coa aula 7, só vos diremos unhas cantas palabras: Soños, Samaín e Galicia.

Non vos podemos contar moito sobre o que estamos a facer, só dicirvos que coidado cos soños!!! (Actividade realizada xunto coa aula 7)

O alumnado da aula 5 e 7 xuntámonos para traballar o conto "O Monstro de cores". Co arroz que pintaron na aula 11 e 12 fixemos dous monstros de cores, un en papel e outro cun guante.

Seguimos a traballar co monstro de cores. Pouco a pouco coñecemos as nosas emocións!

A aula 11/12 preparou un contacontos moi especial de "O Monstro de Cores"... e quen se colou nela? Despois subíronos á aula a súa bandexa sensorial con arroz pintado de moitas cores e un monstro feito de espaguetes rosas!!! Moitas grazas rapaces e rapazas da aula 11/12 e a Rita e Súe, as súas mestras.  E xa sabedes, cando preparedes outro xa sabedes quen vai aparecer!!!