CADA DÍA É ESPECIAL

A aula 5 estivemos a practicar algúns dos posibles experimentos da celebración do Samaín... algún é un pouco noxento. XELATINA XOGAMOS COA ESPUMA DE AFEITAR PINTURA CON RELEVO FIXEMOS SLIME

Na aula 5 estivemos a pintar arroz para facer unha das caixas sensoriais que usaremos na celebración so Samaín!

Xa acenderon a calefacción do cole, as nosas plantas corren perigo.  Tivemos que transplantar as nosas plantas xa que a calefacción non lle senta moi ben... agora témolas en macetas na entrada da aula. 

Seguimos a traballar na nosa creación coa aula 7, só vos diremos unhas cantas palabras: Soños, Samaín e Galicia.

Non vos podemos contar moito sobre o que estamos a facer, só dicirvos que coidado cos soños!!! (Actividade realizada xunto coa aula 7)

O alumnado da aula 5 e 7 xuntámonos para traballar o conto "O Monstro de cores". Co arroz que pintaron na aula 11 e 12 fixemos dous monstros de cores, un en papel e outro cun guante.

Hoxe ao entrar na clase tiñamos unha sorpresa... O Equipo de Biblioteca deixounos unha cabaza para baleirar e decorar!

Así están as nosas sementes! A través delas aprendemos como dunha semente nace unha planta e os coidados que necesitan para crecer.

Desde fai uns días estamos a realizar un pequeno proxecto de investigación sobre Luz Casal (a raíz dunha noticia de "La Voz de Galicia"). 1- O primeiro que fixemos foi buscar información sobre quen era Luz Casal. 2- Preparamos unha enquisa e realizámoslla aos traballadores/as do cole. 3- Analizamos os resultados da enquisa. 4- Estamos na última fase do noso proxecto, creando códigos QR coas cancións que nos foron dicindo. 

Un mércores máis temos o xornal na aula 5. Hoxe estivemos a traballar o tempo, por que será?... Pasamos de moita calor a chuvia e frío! E cos restos das follas que recortamos... a encestar!

Na aula 5 estivemos a crear un abecedario moi colorido!. A través deste abecedario crearemos un pequeno dicionario e tamén pintaremos as letras usando a aplicación que nos ensinaron no PDI da Biblioteca.

Resolvemos o misterio da auga desaparecida!!!. Tras analizar posibles hipóteses como que alguén a collera, algún animaliño que bebía auga... pois non, a auga evaporouse!.

Seguimos a traballar co monstro de cores. Pouco a pouco coñecemos as nosas emocións!

Hoxe toca xornal! A pomba da Paz está triste...  Centrámonos en...

Hoxe plantamos leitugas no invernadoiro. Aproveitamos para recoller algún tomate e comparalo cos que non se podían coller.

Hoxe fomos ao apartamento a facer unha torta de queixo! E chegou o mellor momento, a comela!!!. Estaba moi boa, non é que o digamos nós...

Hoxe volveron os xornais á aula 5! E xa temos moito traballo por diante!

Hoxe estivemos a limpar o invernadoiro... para a semana seguramente empecemos a plantar! E non estabamos sós...

Hoxe tocounos experimentar a xerminación usando bolsas zip. E agora toca esperar...

As nosas sementes de pemento xerminaron moi ben e chegou o día de plantalas nunha maceta e esperar a ver se crecen!

A aula 11/12 preparou un contacontos moi especial de "O Monstro de Cores"... e quen se colou nela? Despois subíronos á aula a súa bandexa sensorial con arroz pintado de moitas cores e un monstro feito de espaguetes rosas!!! Moitas grazas rapaces e rapazas da aula 11/12 e a Rita e Súe, as súas mestras.  E xa sabedes, cando preparedes outro xa sabedes quen vai aparecer!!!