CADA DÍA É ESPECIAL

A auga é imprescindible para as persoas e para todo ser vivo. Buscamos en internet información sobre a auga e comezamos a realizar unha presentación no encerado dixital interactivo.

Estivemos a traballar cos euros e as froitas!. Chegaran os cartos?, Cantos euros necesito?, se quero mercar unha sandía de 2 kg canto me costa?

Hoxe estivemos con Wailo!

Hoxe comezamos a ler o conto que nos regalaron as aulas 11 e 12 "Rúa das emocións Nº7". Lemos dúas follas, pero deunos para moito! Falamos das cidades e o que podemos atopar nelas. Traballamos co recursos "Todos somos diferentes" Todos somos diferentes from ticceeabarcia

É mércores e toca traballar co xornal na aula! Como o día 1 de maio é mércores e non hai cole, hoxe veu o calendario de maio!

Hoxe entregamos a noso libro e a rosa á aula 9. E as aulas 11 e 12 entregáronos unha rosa e un libro. Ademais fixemos un mural entre todos coas nosas mans e tivemos un teatro de sombras e cores. Queredes saber cal é o libro que nos regalaron? Conto rua das emocions n7 de ticceeabarcia

Este ano para celebrar o Día do Libro tiñamos que regalar un libro e unha rosa a outra aula do centro, a nós tocounos a aula 9! E o conto que eliximos foi Nadarín! (feito no cole dentro do Programa Educación Responsable, o cal non puidemos presentar na Cidade da Cultura porque chegou o Covid). Esperamos que vos guste, AULA 9!

Hoxe é o Día do Libro. Pero por que se celebra este día e por que se regala unha rosa?... Na aula 5 fixemos unha pequena investigación para responder a estas preguntas e trazamos un plan de equipo, onde cada un de nós tiñamos unha tarefa asignada.

Como produto final da arte, elaboramos 2 murais onde representamos o que estivemos a traballar. E así os fixemos!

Para conmemorar o Día das Artes Galegas (1 de abril), o Equipo de Dinamización da Lingua Galega propúxonos crear dúas esculturas con arxila (xa que este ano homenaxéase a Francisco Asorey, un gran escultor). Aquí tedes as nosas dúas esculturas! Queredes ver como as creamos?

Temos un novo compañeiro de clase, Carlitos!!!. 

Curioso título para un conto que nos axudou a coñecer un pouquiño máis o noso corpo. Dentro do PDI "Así son eu" estivemos realizando diferentes actividades co conto "A Araña máis eu": pegamos a araña polas diferentes partes do noso corpo, debuxámola nun manequín, creamos as nosas arañas e xogamos coa luz negra.

Avanzamos na consecución dos retos en Polos Creativos "Petróglifos". Hoxe estivemos xogando e aprendendo co noso robot!

Como cada mércores o xornal chega á aula 5. Hoxe a nosa mestra fíxonos pagar o xornal!

Hoxe rematamos o noso traballo sobre o arco da vella! O mércores a canción que eliximos relacionada coa chuvia foi " algunha vez viches a chuvia " e polo xornal soubemos que era o Día Mundial do arco da vella (3 de abril).  E que relación terá a canción co arco da vella?.... na canción din "Quero saber se algunha vez viches a chuvia caer nun día soleado"... E claro que SI, se chove e fai sol sae o arco da vella! Así que buscamos información sobre cando sae, cantas cores ten e que forma ten. Comezamos debuxando un arco da vella conxunto. Descubrimos que realmente é redondo. Fixemos un experimento para crear un! E hoxe rematamos o mural coas nosas aprendizaxes e puxémolo no corredor.

Coa pintura que sobrou do arco da vella, xogamos a mesturala e a crear no noso mural "O que sobra".

Rematamos o segundo reto!!!. Realizamos petróglifos nunha plastilina moi especial (que seca e endurece).

Neste trimestre imos a traballar a auga, polo que unha das tarefas que realizaremos será buscar cancións relacionadas coa chuvia.

Retomamos "Medimos o tempo". Cubrimos unha ficha de datos sobre os días de cada mes, sumámolos e falamos do movemento da Terra ao redor do Sol.

Hoxe traballamos co xornal! Centrámonos na chuvia (que non para de chover...), nas comunidades autónomas e no arco da vella.  Nunha noticia viñan as 17 comunidades autónomas, así que xogamos a deletrealas e atopalas no mapa. E o traballo co arco da vella... está noutra entrada!