O mércores conmemoramos no centro o Día das Letras Galegas (que como xa sabedes é o luns 17, festivo autonómico). Para este día o Equipo de Dinamización da Lingua Galega propúxonos unha actividade a nivel de centro, usando un poema de Xela Arias “Darío a diario”. Dario a diario. A túa man ocupa un cuarto da miña xigante, por iso detesto un pouco tantas palabras. Todas para ti, ¡son a raíña parlante!, ¡emperatriz de sonidos guturais en diante! (aula 5: A nosa frase) Dis ma-ma-má (aula 6) e consegues oito pasos seguidos sen axuda cara a nós. Vesme? Son a nai que te pariu e coida facer o necesario porque avances Darío a diario (1996) Tiñamos que escribir a frase e decorar unhas mans, para colocalas no mural conxunto de todo o centro (polas medidas Covid, establecéronse quendas para cada aula). Na aula tamén fixemos o noso propio mural e creamos unha poesía coas cores que cremos que son da nosa Galicia: O azul dos nosos ríos e mares, o ceo nun día de sol e a chuvia que tanto nos quere...
