CADA DÍA É ESPECIAL

Hoxe traballamos no invernadoiro!. Sacamos as malas herbas e despois recollemos leitugas para o comedor.

Tódalas semanas regamos no invernadoiro!. Temos que ser responsables e coidar as nosas leitugas, fresas, repolos, coliflor e acelgas.

No so é responsabilidade nosa regar as nosas plantas, tamén temos que limpar o invernadoiro e as macetas de fóra de malas herbas. Xa somos uns especialistas!

Aquí tedes aos Chefs da aula 5!, preparados para facer un Otele de mandarina. Xuntamos tódolos ingredientes: E comezamos! 1- Facemos zume de mandarina. 2- Botamos nunha pota o zume e azucre. Quentamos ata que estea un pouco espeso.  4- Mesturamos auga fría, maicena e un pouquiño de bicarbonato. Poñémolo a quentar ata que empece a espesar.  5- Mesturamos todo e a removemos. Cando empece a ferver esperamos 5 minutiños. 6- Agora ten que arrefriar. E mentres toca fregar e limpar. E por último a comer!

Un mércores máis chegan os xornais á aula 5.

O 30 de xaneiro é o Día Escolar da non Violencia e da Paz. O Equipo de Actividades Complementarias e Extraescolares propúxonos realizar debuxos relacionados coa Paz para expoñelos na entrada do cole (pola situación Covid, non podemos celebralo cos nosos compañeiros e compañeiras). Puxémonos a traballar! E aquí tedes as nosas creacións!

Chegaron ao centro as froitas do programa "Aliméntate ben", entre elas a mandarina.  Na clase estivemos a traballar esta rica froita.  A súa forma e cor: Mondámolas e cheirámolas coa máscara posta (xa que cheiran moitísimo) Contamos os anaquiños.  E comémolas!, que ricas que estaban. Por último, baixamos ao patio a buscar unha árbore de mandarinas.

Como se nota que estamos no inverno, que frío facía estes días.  Para traballar esta estación do ano, creamos o noso "Libro do Inverno" onde pouco a pouco lembraremos e aprenderemos moitas cousiñas. Agora xa sabedes a razón de que as nosas mans estiveran todas negras!

Xa rematamos o material para traballar os números este trimestre. Como estamos a traballar a "Pataca" creamos a nosa planta de pataca.

Un mércores máis traballamos co xornal. Primeiro fixemos unha lectura global do xornal, comentando aquelas noticias que nos pareceron máis interesantes.  E despois ampliamos o contido dos nosos paneis.

Hoxe estivemos a sacar fotos coa Tablet da aula. E que mellor recordo que cun Selfie!

O Equipo de Dinamización da Lingua Galega do cole animounos un ano máis a participar no concurso de carteis do autor homenaxeado o Día das Letras Galegas, que este ano é Florencio Delgado Gurriarán. Hoxe rematamos o mural da aula 5. Non volo podemos ensinar, pero ímosvos contar como o fixemos.  1- Pintamos o fondo do mural. 2- Fixemos o debuxo do cartel. 3- Pegamos unhas letras. So dicirvos que o noso cartel está relacionado coa súa obra "O soño do guieiro"

Encántanos o recreo, sobre todo cando fai sol e podemos saír ao patio. O que máis nos gusta son as randeeiras, pero tamén realizar outras actividades como por exemplo pintar con xiz ou xogar a mariola.

Esta é a pregunta que se farán as familias da aula 5. Así estaban as nosas mans esta semana... Continuará....

Este luns chegou o leite!. Que ben senta tomalo no recreo. E na aula volvemos a traballar a vaca!

Xa temos aquí os nosos guantes de traballo! Fomos ao invernadoiro a coller unha leituga. Levámola ao apartamento é: Separamos as follas. Lavamos as follas (primeiro as nosas mans): Coñecemos un novo aparello. Centrifugamos as follas de leituga. Cortamos a leituga en anaquiños. Como non tiñamos sal, aceite e vinagre... fomos a cociña. E o mellor de todo, A COMELA!