CADA DÍA É ESPECIAL

Hai un conto que nos gusta moito da Biblioteca, " Peón ". Estivemos falando de como temos que ir camiñando pola beirarrúa e de como tiñamos que cruzar polo paso de peóns. Despois saímos ao paso de peóns que hai cerca do cole e a practicar como cruzar.

Hoxe foi un día moi divertido!. A través de diferentes actividades experimentamos coas propiedades da auga e da luz, recordando que ambas son fundamentais para a vida das persoas. 

Os mércores o xornal entra na aula 5 (no só ese día!, das noticias derivan moitísimas actividades!).

A patrulla EcoBarcia saíu a reciclar aos contedores de papel e plástico que hai preto do cole. Como en cada saída que realizamos, poñemos en práctica como ser peóns responsables (camiñar pola beirarrúa, cruzar polo paso de peóns...).

Hoxe realizamos unha actividade organizada pola ANPA moi relacionada co traballo que realizamos ao longo sobre o coidado na Natureza.

Concerto de "Música a flor de pel" coa Fundación Igual Arte.

Coas pinturas que nos sobran, realizamos pequenos murais onde deixamos voar a nosa creatividade.

Hoxe tocou limpar o invernadoiro e despois tirar as herbas malas ao composteiro. Temos malas noticias, das nosas plantas que xerminamos, só o castaño segue crecendo...

Hoxe realizamos un Obradoiro para traballar a Natureza. Sentimos, experimentamos e creamos coa Natureza a través das cores da Primavera sobre flores elaboradas con cartón, deixando voar a nosa creatividade.

Creamos algunhas das pinturas para un Obradoiro que realizaremos mañá con todo o centro. Pasamos un ratiño moi divertido rompendo os xices e creando xeo de cores.

Mirade que bonitas están as nosas plantas!

Hoxe xogamos con Wailo e cunhas pelotas, pasámolo xenial!

Hoxe en Prensa escola, entre outros aspectos, falamos de como debemos protexernos do sol, recordamos como coidar os dentes e o calendario do mes de xuño!

Hoxe aprendemos a utilizar os lapis 3D creando unhas bolboretas!. Como nos gusta experimentar con novos recursos.

Traballamos as rutinas de hixiene, recordando os diferentes pasos que temos que realizar cando lavamos a cara, nos duchamos, imos ao baño...

O Equipo de Dinamización da Lingua Galega propúxonos crear uns murais sobre a vida de Begoña Caamaño (autora homenaxeada este ano). Aquí tedes o noso! E así o fixemos!

Hai actividades na aula moi divertidas!, sobre todo cando toca xogar coas mans. Colaborando nun mural para o Día das Letras Galegas! Experimentando coas mans!.

Tras un curso observando os cambios que se producen na Natureza, rematamos o noso caderno de campo!

Chegou o momento de planificar o traballo final. Para iso expoñemos o que vemos nos carteis e como cambian as nosas árbores co paso das estacións, sacando conclusións.

Onte realizamos a primeira parte do obradoiro de plantas aromáticas. Ulimos moitas plantas (ourego, tomiño, romeu...) e moitas especies das que usamos para cociñar!. Ademais recordamos a importancia de coidar as plantas, de non danalas e da súa importancia para as persoas. Despois, cada aula do nivel, quedouse con dúas plantas. A nós tocounos o perexil e herba boa. Na aula transplantámolas a unhas macetas máis grandes. Que grandes eran as raíces!

Mañá realizaremos un Obradoiro de plantas aromáticas. Hoxe estivemos clasificándoas, xuntando aquelas que eran iguais e distribuíndoas en 3 grupos.

Hoxe tivemos terapia canina e pasámolo xenial...

"Lío na cabeza" é o nome do noso cartel para o concurso de carteis de reciclaxe. E así o fixemos!

Despois do Obradoiro recollemos as malas herbas e tirámolas no composteiro. Recollemos amorodos, lavámolos e compartímolos!

Hoxe no invernadoiro realizamos un pequeno obradoiro de coidado de plantas con ASPAS!

Coñecemos as plantas aromáticas!. Para a semana que ven, realizaremos un pequeno obradoiro con elas.

Hoxe traballamos a cebola!, non só a súa forma e características, senón que aproveitamos para falar da tristeza... cortamos unha cebola e apareceron as bágoas!

O Equipo de Polos Creativos imprimiunos na impresora 3D unhas placas para colocar nas árbores do patio.

Clasificamos as nosas árbores: folla caduca ou folla perenne.

O mes de Maio é moi especial para nós e para Galicia. Aquí vos deixamos como fixemos o noso cartel para o Correlingua! Queredes velo? A partir do lema deste ano "Co galego no corazón, facemos revolucións", pensamos en como poderiamos facer o noso cartel.  Decidimos que tiña que haber un corazón coa palabra galego no medio, pero como poderiamos facer a revolución?. Como nos gusta moito a paz, decidimos que sería unha revolución pacífica, e non hai mellor forma de representar a paz que coas mans. De aí que o corazón estea formado por mans. Pero a cor destas mans teñen un significado: Vermello - Laranxa: representa as festas galegas, sobre todo a de San Xoán (o lume das cacharelas). Verde: os nosos prados e montes. Azul: o nosos ríos e mares. Amarelo: as nosas praias. Marrón: a nosa terra. Gris e azul: o noso tempo. Negro e amarelo: as noites estreladas. Azul e branco: a nosa bandeira. E dentro do corazón a nosa lingua con imaxes das cousas que pensan o alumnado da aula 5 que s...

Como cada mércores, o xornal entra na aula 5!

Comezamos a elaborar o noso traballo final. Para iso colocamos en cada foto a estación na que estabamos cando tomamos a foto.

Hoxe celebramos o Día do Libro e o Día do Teatro. Levamos uns días ensaiando o conto musicado "As catro estacións desde a gran árbore", e saíunos XENIAL!!!

Claudia (estudante de Mediación Comunicativa) preparounos un conto para sentir, expresar e imaxinar!.