CADA DÍA É ESPECIAL

Hoxe foi o "Día do teatro" e no cole fixemos a representación do conto "A máscara do león". Sempre que organizamos unha actividade a nivel de centro hai un traballo previo en cada aula. Fai uns días tiñamos unha sorpresa ao entrar na clase! Entradas para a obra de teatro e uns debuxos para pintar sobre o conto!. Ademais destas actividades, estivemos investigando sobre os animais salvaxes e convidámolos a vir a nosa aula!. No blog do cole " O RECUNCHO DOS SONOS " podedes ver a entrada sobre o "Día do Teatro". 

Coa colaboración da mediadora da ONCE (Irene)  e da intérprete da lingua de signos (Cris), levamos a cabo un obradoiro de comunicación onde buscamos potenciar a comunicación entre o alumnado e dotalos das estratexias para levalas a cabo.

Como nos gustan os mércores!, traballamos co xornal, comentamos as noticias e buscamos relacionalas co noso día a día.

Hoxe levamos o papel ao contedor azul!. Como no cole non temos contedor de papel tivemos que saír do cole e ir na súa busca (esta na contorna do centro, nunha urbanización). A pesar de ser un recorrido cortiño, atopamos bastantes barreiras que dificultaron o noso camiño. E aproveitamos para practicar como cruzar a estrada polo paso de peóns e peoas!

Hoxe axudamos ao monstro de cores a poñer en orde as súas emocións que estaban un pouquiño revoltas.

Mañá é o 8 de Marzo "Día da muller". Na aula 5 estivemos a traballar a 4 mulleres galegas que forman parte da historia sendo adiantadas ao seu tempo e buscando a igualdade entre os homes e as mulleres. Tamén realizamos a actividade proposta polo EDLG!

A aula 5 participou nun concurso sobre o 8M . Aínda que non ganamos o pasamos xenial elaborando o noso cartel. Desde aquí queremos felicitar aos gañadores!