CADA DÍA É ESPECIAL

Estivemos a realizar as postais de Nadal. E aquí están!

O noso cole organizou unha recollida solidaria de xoguetes, e este martes entregámosllos a Cáritas Santiago.

Neste primeiro trimestre puxemos en marcha o invernadoiro do cole, plantamos leitugas, repolos e coliflor (as acelgas e as fresas continúan nacendo e crecendo).  Os luns somos os encargados de regalas co noso mestre Jorge e ao longo das semanas realizamos limpeza de malas herbas. Ao tempo que traballamos as principais características das plantas como seres vivos e observamos como medran. Esta semana comezamos a comer a leituga!. Cortámola e levámola á cociña do centro para o xantar e a cea.

Unha boa alimentación, o exercicio físico diario e un bo descanso son as bases dun estilo de vida saudable. Por este motivo participamos en programas como Edusaúde. Buscamos que os recreos sexan máis dinámicos, sobre todo os días de chuvia (moi habituais en Santiago).  Que sorpresa se levou o alumnado da aula 5 cando viu... Salta, salta sen parar!!!

Hoxe remata o Outono e comeza o Inverno. Quixemos compartir todo o que traballamos, así que puxemos o noso mural no corredor. 

Hoxe entregamos ao Equipo de Biblioteca moitos dos traballos que realizamos con Elmer para que os expoñan na Galería do cole! Xunto co noso elefante para pegar cores e o conto adaptado.

Aquí tedes o noso mural "O que sobra". Unha obra pintoresca chea de cores.

Pero que divertidos son os elefantes do conto de Elmer!. Rematamos as actividades de Elmer realizando un mural moi colorido e divertido. 

Cada día camiñamos unha milla e avanzamos no Camiño Francés.  Na aula estivemos a traballar coas etapas do Camiño Francés.

Na aula 5 seguimos a traballar o Outono, que está a puntiño de rematar. Esta semana traballamos os sons e as comidas do Outono.

  Un mércores máis traballamos cos xornais na aula. Pouco a pouco imos ampliando os nosos paneis. 

 Que artistas que somos!. Continuamos co noso mural...

Na clase de Relixión coa mestra Rita fixemos este Belén. Na súa elaboración participamos todos e todas. Encántanos cando podemos facer actividades nas que entre todos/todas construímos algo. 

Como xa vos comentamos o Nadal xa chegou á aula 5. Hay 2 panxoliñas de Nadal que nos encantan. TE REGALO UNA SONRISA. VUELA, VUELA! Para aprender e repasar diferente vocabulario sobre o Nadal fixemos un xogo: nunha caixa tiñamos imaxes do Nadal e pegadas na porta esas mesmas imaxes por duplicado. Cada un/unha foi sacando unha imaxe, dicíamos o que era e a relación que tiña co Nadal. A continuación tiñamos que atopar as dúas imaxes iguais que había pegadas na porta da aula. 

Igual que o castiñeiro, toda planta é un ser vivo que come e bebe pola raíz e respira polas follas. 

Hoxe recordamos as principais características do Outono co noso panel e centrámonos na roupa do Outono.  Collemos tódolos pictos da roupa e démoslle a volta. A continuación de un en un tiñamos que coller un dos pictos e relacionalo cunha parte do corpo (por exemplo: o gorro coa cabeza, as chaquetas co tronco...)

Mirade que postais tan bonitas! Utilizamos unha aplicación de Google Play:  https://play.google.com/store/apps/details?id=com.skyappsguru.christmasphotoframegifimages&hl=es&gl=US

Hoxe estivemos traballando co xornal na Biblioteca do cole. Comentamos as noticias e seleccionamos as que incorporaremos ao nosos paneis. 

Seguimos a traballar o noso conto "Elmer".  Vimos un vídeo do conto: Fixemos unha lectura compartida do conto. Para finalizar cunha actividade conxunta.

O alumnado da aula 5 converteuse en peregrinos cara Compostela.  Buscamos as indicacións do Camiño. 10 voltiñas ao noso recorrido. E para levar a conta... o Conta-Voltas! Animádevos a participar no noso Camiño!

Este luns comezamos o Camiño Francés no cole!.  Cada días as aulas que participamos camiñaremos unha milla e ao final da semana sumamos tódalas millas realizadas e avanzamos no camiño. Tamén nos axudarán tódolos membros da Comunidade Educativa que se animen a apuntarse. Así que xa o sabedes, non o dubidedes, apuntádevos ao noso Camiño.

Presentamos o cartel "Bo Camiño" elaborado na aula 5 dentro dos Programas "Edusaúde" e "Milla Diaria".  É un mural feito entre todo o alumnado da aula. Así o fixemos! Felicidades rapaces e rapazas!

Coas castañas que apañamos o venres no patio, fixemos un xogo de contar de 1 ata o 10. O xogo consistía en: tiñamos que contar cantas castañas había nunha caixa. Colocabamos as castañas debaixo de cada número seguindo a recta numérica. Cando rematamos tiñamos que indicar cantas castañas tiñamos e atopar o número noutro panel. Para finalizar colliamos o número e colocabamos as castañas ao lado. 

O venres da semana pasada, coa mestra Nerea recollemos follas dos castiñeiros que hai no patio do cole.  E pintamos na aula unha árbore.  Hoxe seguimos a traballar o Outono, concretamente o castiñeiro usando as follas e o debuxo.  Colocamos as follas do castiñeiro (na árbore e no chan) E falamos das características dos castiñeiros (o seu froito é a castaña, son seres vivos, comen e beben pola raíz e respiran polas follas).