CADA DÍA É ESPECIAL

Hoxe celebramos o "Día Escolar da Non Violencia e a Paz". Ao longo da mañá realizamos varias actividades como a solta de pombas, a samba da paz, as grilandas da paz... Se queredes vernos cos nosos compañeiros e compañeiras facede clic no enlace ao blog do cole! https://ceeabarcia.blogspot.com/2024/02/solta-de-pombas-dia-da-paz-2024.html

Hoxe tocou comezar a preparar o invernadoiro para poder plantar! Atopamos dous animaliños!

Hoxe tivemos unha saída escolar, así que pouco traballamos co xornal. Pero xa temos seleccionadas varias novas para os nosos paneis!

Aínda que xa rematamos a ruta polas praias, seguimos localizando no mapa e buscando no google maps e google earth as praias que recorremos. Xa nos faltan pouquiñas!

Hai moitas formas de traballar as características do Inverno. Estes días rematamos os noso cadro de Edward Munch.

E como cada mércores, traballamos co xornal na aula.

Esta semana estivemos a traballar cos cartos, contando de 5 en 5.

Esta semana coñecemos máis praias da nosa costa!

Na aula 5 estivemos a experimentar con diferentes pinturas para establecer cales son as mellores para utilizar nos disfraces de Entroido. Cal será o noso disfrace?.... Tedes que esperar...

Coa mestra de Relixión, Rita, comezamos a pintar este mural!

Hoxe tivemos terapia canina!. Como nos gusta estar con Bosco e Uva.

A través da Milla Diaria estamos a coñecer as praias de Galicia, e non so iso, ao mesmo tempo estamos a aprender a traballar co ordenador, PDI, impresora... Ata o momento usabamos o google imaxes e o google maps, pero hoxe comezamos a utilizar o google earth. Pero non todo é tecnoloxía...

Tirando, tirando... imos sumando!. Hoxe xogamos cos dados xigantes.

Antes de ir ao recreo paramos no apartamento, alí está "MercaBarcia", un pequeno supermercado onde facemos a compra diaria necesaria para elaborar o xantar. E tamén comezamos a coñecer os euros (€).

Os Reis Magos e Papá Noel trouxéronos uns agasallo para a aula 5. Nesta entrada falaremos do primeiro, un xogo de Tangram. Polo momento fixemos xogos de clasificación con eles, pero nos próximos días ensinarémosvos as nosas figuras!

Non nos gustou nada a noticia das nosas praias contaminadas cos pellets. A aula 5 queremos axudar a toda a xente que está a limpar as praias... fixemos a nosa propia praia e a deixala limpiña!

Un mércores máis os xornais chegan á aula 5 para traballar as noticias e moitas cousas máis!. Ademais da contaminación das nosas praias polos pellets traballamos aspectos de alimentación, educación viaria, Galicia, recursos tecnolóxicos...  Houbo unha imaxe que nos gustou moito, a dun corazón feito coas mans. E así fixemos os nosos! Sacamos unha foto e comprobamos na pantalla dixital que as nosas mans formaban un corazón. Pois si, fixémolo xenial!

Hoxe no apartamento tocou tortilla francesa. Onte estivemos na cociña e preguntámoslle a cociñeira como tiñamos que facer, así que o primeiro que fixemos foi ver o vídeo da entrevista para saber o que tiñamos que facer.  Tiñamos tódolos ingredientes e sabíamos o que tiñamos que facer! 1- Cascamos os ovos. 2- Batemos os ovos e botámoslle un pouquiño de sal. 3- Botamos aceite na tixola, acendemos vitrocerámica e cando o aceite estea quente botamos os ovos. 4- E o mellor de todo, a comela! E por último... a fregar. Hoxe pasámonos un pouquiño co aceite!. A semana que ven faremos outra para mellorar a nosa técnica.