CADA DÍA É ESPECIAL

O alumnado da aula 5 converteuse en peregrinos cara Compostela.  Buscamos as indicacións do Camiño. 10 voltiñas ao noso recorrido. E para levar a conta... o Conta-Voltas! Animádevos a participar no noso Camiño!

Este luns comezamos o Camiño Francés no cole!.  Cada días as aulas que participamos camiñaremos unha milla e ao final da semana sumamos tódalas millas realizadas e avanzamos no camiño. Tamén nos axudarán tódolos membros da Comunidade Educativa que se animen a apuntarse. Así que xa o sabedes, non o dubidedes, apuntádevos ao noso Camiño.

Presentamos o cartel "Bo Camiño" elaborado na aula 5 dentro dos Programas "Edusaúde" e "Milla Diaria".  É un mural feito entre todo o alumnado da aula. Así o fixemos! Felicidades rapaces e rapazas!

Coas castañas que apañamos o venres no patio, fixemos un xogo de contar de 1 ata o 10. O xogo consistía en: tiñamos que contar cantas castañas había nunha caixa. Colocabamos as castañas debaixo de cada número seguindo a recta numérica. Cando rematamos tiñamos que indicar cantas castañas tiñamos e atopar o número noutro panel. Para finalizar colliamos o número e colocabamos as castañas ao lado. 

O venres da semana pasada, coa mestra Nerea recollemos follas dos castiñeiros que hai no patio do cole.  E pintamos na aula unha árbore.  Hoxe seguimos a traballar o Outono, concretamente o castiñeiro usando as follas e o debuxo.  Colocamos as follas do castiñeiro (na árbore e no chan) E falamos das características dos castiñeiros (o seu froito é a castaña, son seres vivos, comen e beben pola raíz e respiran polas follas).

 Que credes que é? As estacións do ano podémolas percibir polos sentidos. Hoxe escoitamos o Outono na aula.

Fai uns días trouxemos á aula unhas ramiñas das plantas aromáticas que temos no patio do cole. Deixámolas secar un pouquiño e o venres estivemos traballando o noso olfacto. 

O alumnado que pola tarde está co grupo de mestres/as creou a través dunha actividade conxunta a "Paco Cansado", a mascota oficial do cole para a actividade "Bo Camiño". Na aula 5 fixemos un mural con el. E así é como o fixemos!

 Presentámosvos a Cunchiña, a mascota do "Xacobeo 2021/22". E así traballamos para facer este mural.

A Biblioteca Escolar propúxonos a seguinte actividade: facer un personaxe de conto con elementos propios do Outono. E na aula 5 eliximos a Elmer.  Pintamos follas do Outono con diferentes cores e despois rompémolas en anaquiños.  E aquí está o noso Elmer de Outono:

Cada mércores, na aula 5 traballamos co Xornal "La Voz de Galicia". Os nosos paneis van crecendo coas noticias que imos atopando!

O curso pasado, o 2º nivel do cole, plantou diferentes plantas aromáticas (menta, ourego...). Recollemos unhas pouquiñas para ulilas e saber se nos gusta ese cheiro ou non (cada neno/a coa súa planta). E por suposto que nos encantou como cheiran!!

O venres recollemos follas do patio do cole para realizar diferentes actividades na aula (que peniña que se vai acabar o bo tempo.... pero a chuvia tamén é moi necesaria)

O xoves foi un día de "roupa". Clasificamos diferentes prendas de roupa e complementos en función das partes do corpo. 

Seguimos aprendendo moitas cousas desta estación. O xoves traballamos a roupa que poñemos en Outono. Como pouco a pouco imos poñendo a roupa de abrigo e gardamos a roupa do Verán e Primavera.

Un mércores máis traballamos co xornal na aula. As nosas mesas estaban ocupadas polos murais, así que como nos gusta moito cambiar de sitio traballamos no chan. 

Case rematamos o noso mural de "O Camiño de Santiago" e como nos sobrou pintura.... para o mural "O que sobra" O interrogante é porque se ve o mural!!

Hoxe traballamos o Outono, pegamos as nosas follas vermellas, amarelas, verdes e marróns!

Hoxe xogamos co noso Elmer na clase. Fixemos diferentes clasificacións por tamaño e cor.

Hoxe falamos dunha das principais características do Outono, a caídas das follas das árbores. Pintamos follas de vermello, verde, marrón e amarelo e mañá porémolas no noso mural do Outono. 

Hoxe retomamos as actividades do conto de "Elmer" (fixemos unha paradiña para centrarnos no Samaín e no Magosto). 

Este venres volvemos recoller as follas do Outono que hai no patio do cole! 2 sacos cheos de follas!!!

Esta semana empezamos a traballar o noso corpo. Fixemos a silueta do noso corpo e rotulámola. Empezamos a traballar os ollos!. Pegamos os nosos ollos na nosa silueta.  Cos ollos de cada un/unha fixemos unha careta e xogamos a probarnos os ollos dos demais.